(১)
শিয়ালী এ' নাহিবি ৰাতি
তোৰে কাণে কাটি লগামে বাতি
শিয়ালীৰ মুৰতে মৰুৱা ফুল
শিয়ালী পালেগৈ ৰতনপুৰ।
(২)
আমাৰে মইনা শুব এ'
বাৰীতে বগৰী ৰুব এ'
বাৰীৰে বগৰী পকি সৰি যাব
আমাৰে মইনাই বুটলি খাব।
(৩)
লাই হালে-জালে আবেলি বতাহে
লফা হালে-জালে পাতে,
আমাৰে মইনা হালিছে-জালিছে
কালি দুপৰৰে ভাতে।
(৪)
টোপনি এ' তোৰে কলাতলত ঘৰ
সকলো ৰাইজৰ টোপনি আহি
মইনাৰ চকুতে ধৰ।
(৫)
ই বোলে কাণখোৱা
সি বোলে কাণখোৱা
কাণখোৱাই কিনো কাম কৰে,
হাতত নগা যাঠি
কানত ৰঙা ছাতি
ল'ৰাৰ কাণে খাই ফুৰে।
(৬)
কাণখৱা এ নাহিবি ৰাতি
তোৰে কাণ কাটি লগামে চাতি,
চাতি নুমাল, বাতি নুমাল
বাপাই দেখে আন্ধাৰ,
দুৱাৰ মুখত বহি আছে
ভকোমুলুৱা বান্দাৰ।
No comments:
Post a Comment